歐洲各頂級職業聯賽基本上已經塵埃落定,升班或降班已成定局,今晚仲有埸歐洲頂級之爭,從球迷角度去睇,就算吾瞓都要睇現場,因為好波係可遇不可求.之前巴塞慘遭車路糾纏全處下風,但勝在關二哥保佑下幸可出線總決賽,費Sir經驗並非巴迪奧拿可比擬,加上前[車]可鑑有晒版睇,車仔之前已經演繹如何克制巴塞美斯及巴塞中前線火力,以費Sir級數加上有實戰參考,巴塞今晚的確難打,又睇吓巴塞教練巴迪奧拿出乜籠撩,我自己好喜歡巴塞球風,睇佢好過睇AC米蘭,足球永遠係激情,吾入波吾打進攻足球要個龍門框有何用?我喜歡睇進攻足球,今晚支持巴塞捧盃.

好多Brother在網上問危Sir點解呢期咁少寫馬,實情係自己忙到出汁,諗住等下季馬圈開鑼先重寫馬料.
今日小休就講[故]之餘又講馬仔藉以多謝各Brother關心及支持.

馬料:昨午馬埸雞之友稿都未出就已經彈匹[風馳電掣]過嚟,我自己刨嘅馬吾賭都要賭呢隻,自己齋賭[風馳電掣]位置,各位買吾買就自己諗.

至於自刨馬不離[時時有機]及[巴圖魯],如果講太平洋係胡森今季代表作,咁[巴圖魯]亦算係徐雨石今季嘅代表作,維持馬匹狀態穩定吾走樣,循序漸進佈署馬匹在合適路程爭功盡顯鐵馬本色,練馬師少的心機及功力都吾掂,現有12倍已經可以做冷腳之選,馬料就講多,留番啲字節講[故].

香港舊檔案之毒禍滿香江1--[危險]

係人都知鴉片係乜,林則徐點燒毀鴉片,前世紀英國政府點輸入鴉片煙荼毒我國同胞全部有歷史根據.香港前世紀已經受英國管治,鴉片煙在英國管治之下在香港亦曾經合法,到左一九零九年三月,香港同意廢除熟鴉片出口的許可兼禁煙館,去到一九一零年二月,香港政府正式定性銷售鴉片和吸食鴉片為非法.

以下資料由[ooappleoosm]提供,請尊重原創[危險],歡迎轉貼.
鴉片在一九一零年二月雖然已經定為非法,但之後幾十年仍然流行於香港,根據傳聞,直到四十年代上海幫發現海洛英嘅新版方程式,先在上海試製,之後落嚟香港大展拳腳,其實上海幫在香港係第一代製造海洛英嘅販毒幫派,之後因潮州幫勢力入侵,因潮州幫早年已經植根於香港,加上人多及齊心,猛虎又豈及地頭蟲,上海幫海洛英生意全部由潮州幫作接管,到此,潮州幫為第二代接管香港海洛英市場嘅主導者.曾經鴉片在香港盛極一時,直到四十年代開始起變化,在四十年代海洛英未主導香港市場之前,曾經出現過名為[紅丸]嘅毒品,[紅丸]並非紅色,而係粉紅色,體積比當時香港舊裝成藥保X丸大少許,吸食[紅丸]之後會有陣陣蘭花香味在吸食者身體及衣領散發,所以當時地道陀地叫[紅丸]又為[蘭香],取其有蘭花之香,當年傳聞[紅丸]已經滲有海洛英成份,販賣者已經為海洛英主導香港毒品市場而舖路!

舊香港時期好多戲行老官、賭埸打可、酒樓後鑊、富商巨賈等等都有舖鴉片煙癮,鴉片煙真係無孔不入,再配合當時貪污成風,香港煙格、大檔真係多過米舖.

境頭一轉就到六十代初嘅深水埗,當年石硤尾、深水埗由幾大當家話事,其中一位撈家名叫[肥x坤],當年[豪哥]剛出身未踩入石硤尾都係跟佢,[豪哥]職位為[交際],自此開始與警界中人混熟,是為日後坐大之基石.[豪哥]當年點踩入石硤尾?用乜手段?有時間再講!包精彩!

至於撈家[肥x坤]在深水埗福x街一帶最有名望,各位都知道海洛英別名叫白粉,呢位撈家[肥x坤]首創請老同食[免費粉],話說當時一小包白粉時價係兩元港幣,[肥x坤]為收賣人心及穩定客路,每到中年十二點就會到深水埗福x街派錢畀班老同,每人可得一文,每人只可排一次攞一次,所以六十年代深水埗有句口號叫做[識坤哥就冇奔波],白粉當時賣二文,每人一文點夠錢買?所以多數[搭棚],即係兩人每人夾一文去食,當然係吾夠癮,但對道友們嚟講就好過冇.[肥x坤]呢招夠高絕,因為道友未上電,根本係冇精神或心情去搵錢幫趁,派一文等佢地充電去撲水必然返嚟再食過,各位話[肥x坤]絕吾絕呢?而當年633吾受會去掃埸,每當掃[肥x坤]埸班老同必義助,顯出[肥x坤]當年甚得民心,而[肥x坤]有位老友一定要提,呢位就係香港收租佬[豬X劑],[豬X劑]真係出生於戲院門口賣白糖糕?當然係做戲咁做,梗吾係啦,晚年傳聞[劑哥]係死於肝病,至於[劑哥]嘅親兒子外形有啲似影星大傻,大家一樣咁有件頭.

影星[婑仔]老豆在舊香港曾經在警察做過[新郎哥],點巴閉法?當年呢位[新郎哥]專揸住架[孖支]即係孭仔形電單車在太子道風馳電掣,寫住咁多,今晚跑馬,等我又[風馳電掣]望佢入位置.

5-24-09星期日就係紐卡素球迷失落或歡樂嘅重要日子,紐卡素上仗主埸失分係咎由自取,全季表現在水準之下,上週阿士東維拉已經幫佢一把,令米杜士堡痛失二分,但紐卡素自己吾爭氣又怨得誰?還好上迵侯城和波、西布朗輸波、連新特蘭都趁熱鬧輸埋,近季英超已經好少見榜尾到煞科戰咁緊張刺激!

榜尾形勢:西布朗宣佈降班,米堡32分排19位、紐卡素34分排18位、侯城35分排17位、新特蘭36分排16位.

侯城最後一仗會在主埸對曼聯,曼聯有爭歐冠之後顧,加上已經成為今季英超盟主,必然委派副選出戰,但曼聯副選實力現階段始終在侯城之上,副選陣容在無爭標壓力下可能打得會較放,上半埸應有交收,而侯城與季初對比銳氣已過,縱使有主埸之利及必拼之心亦難鬥紅魔副選,能和波搶1分已經實屬難得,今埸睇好大波交收,可博曼聯半埸客勝,紅魔副選為爭表現必去盡,因下季紅魔可能人面全非,而全埸波膽先揀曼聯勝侯城4:1,再補條和波2:2,兩注飛有賠率吾範本,今埸應以大波為先.

新特蘭最後一戰會在主埸惡鬥車路士,點解用惡鬥去形容呢?原來油王早前講明去瘀留清,陣中多位瘀血將會離車,加上油王撬埋AC安仔過車任教,今舖想留車之球員必然踩衡油搏肥安睇起,而安歷卡仲會身先事卒衝鋒陷陣,為求奪取今季英超神射手封號,安歷卡呢期腳風咁順,新特蘭今勻有難.

紐卡素今戰可能係英超最後一戰,下季有機會在英冠相見,佢能否下季繼續英超生涯,全憑維拉最後在主埸嘅態度意向,如果維拉打真軍,以紐卡素作客成績及不隱定嘅狀況,幾乎可以話係等死,但世事無絕對望有真情趣,希望維拉今仗放紐卡素一馬,其實如果維拉有心玩謝紐卡素,上仗必定留力在米堡,既然上仗維拉都咁幫得手,今仗送佛送到西,班紐卡素球迷必然跪謝.

維拉放分係危Sir一廂情願嘅另類想法,如果假使當日新特蘭及侯城不勝而紐卡素作客勝出全取三分,紐卡素都可以護級成功,就算撇開吾理新特蘭賽果,只要當日侯城戰敗無分而紐卡素作客搶得一分,紐卡素依然可以留低.但以波論波,5-24-09星期日維拉對紐卡素,並非係投注最佳埸合,不能用近積或往積作參考.

今日清晨會有埸荷蘭附加賽[馬斯特里赫特]對[迪加史卓普],其實次級聯賽如英甲波,排名先後未必反應真正盤口現狀,乙組仔有主埸一樣有可爭之道,甲組又如何?後防永遠失先機,裝乙位陷阱都好似未蹺,有班咁嘅後防想贏都幾難,雖然往積對戰係[迪加史卓普]佔優,但都已經係03至07年嘅事,荷蘭波流動性較大不能憑遠積作準,睇近況[馬斯特里赫特]位加納籍球員Boateng腳風頗順,上埸更一腳踢走[泰斯達],BT影片所見此子腳法非上盛但勝在肯走位,二十歲未夠但擁有非洲球員一貫嘅氣量,今仗我投佢信心一票,[馬斯特里赫特]絕對係坐和望贏之選,各位應該知點買.[馬斯特里赫特]主埸受讓絕對係筍盤.

希望幫到各位BLOG友,多謝各位多年嚟嘅支持,多年浸淫終於有毛有翼可以周圍飛,有夢想就有希望.

有時間再到BLOG更新.

08至09德甲球季開咧之初,危Sir已經在blog刊出自己德甲部份內文及推薦德甲及各地聯賽人物誌,心水清者其實都知道危Sir是誰.

危Sir在各地聯賽勝負數簿全部正數過終點,要全季作鬥爭着實不易,金融風暴下要求看者拿出午餐價錢去買部[通勝],內容必定要真才實料,堅料就係吸引讀者嘅不二法門,試過首二期過後開始有回落跡象,還好現在總算穩定收支,在香港寫波、教波或做運動員其實很難作糊口,眼見很多退休甲組腳(足藍)可以轉型講或寫波,自己真替他們高興,始終各地聯賽近十多年嚟直播足藍賽事增加係直接影響香港本土足藍球迷嘅入埸意欲,90代出生嘅年輕球迷看慣了每星期嘅各地高水平聯賽,要求他們入埸在室外曬住太陽熱辣辣觀看本土足球,其實對呢班嘆慣食慣嘅新生代嚟講係一件苦事.

[點解要入埸睇?]--有位老友屬本地波痴,不論遠至小西灣或近至旺角埸都會捧埸,但早前兄弟波對決,大佬波話要衝出香港作留力,加上內地盤口大佬波回盤不斷,結果由細佬波勝出執盤,根據老友作現場贅述,其實大佬波班後備(吾留力係正選)一見自己被細佬入球就個個咬牙切齒,有時老闆足球就係咁,身為職業足球員明知自己夠(抽)但未能正選上埸而敗,條氣又點會順?波痴老友講得啱,入埸只想看全力而非留力,以後不再入埸觀看,咁嘅足球點解要入埸睇?

做球員與教練領隊其實分別很大,球員只要發揮自己水平就是稱職,而教練就是以一為點作全盤思考,要發揮隊中各球員嘅潛力之餘還要照顧戰陣平衡,從前膽粗粗未學行先學走去教波,齋Call齊人已經不易,當初作為球員心態以為教波領軍只屬眼見功夫,原來瑣事繁多難兼顧,始終夜埸管囡囡或監控波盤易過管球員.

拜仁慕尼黑在4月底解僱了奇連士文,其實奇帥引入美式教法在德甲本土已經引起各舊派元老不滿,球隊交不出戰績,奇連士文註定一邪百踩等接大信封,從自己角度去看,奇連士文如果引入新方式所教是次級球隊,結局未必是解僱作收埸,物先腐而後蟲生,但重新漫長過程未必為班霸一哥所接受,加上奇連士文不擅詞令與高層作溝通,自然炒尤可期,呢方面奇帥可向特區林D9學習,飯碗必保.

其實冥想是可以鍛鍊運動員集中力及專注力,在美國是一門專科學問,當然放在習慣夜夜笙歌嘅歐洲高薪足球員身上有時未定可行,因為呢班高薪足球員每晚攬女在床上亦可作鍛鍊體能及心智,始終有囡陪訓較易投入操練,尤其在床上.

德甲還有兩周便收咧,拜仁慕尼黑與禾夫斯堡鬥至如火如荼,至於危Sir看好那隊?另文專區自有交代.

德甲榜尾大勢:

科特布斯--科特布斯剛在榜尾大戰主埸慘負慕遜加柏,變成慕遜加柏在績分帳面上暫時脫離降班警界線.科特布斯下仗作客史特加能和已經萬幸,史特加近期氣勢在慕遜加柏之上,加上只落後拜仁2分,想史特加留力就難矣.16-5-09史特加對科特布斯,只係睇史特加想贏幾多粒!史特加絕對係食硬之局.到23-5-09科特布斯最後主埸對利華古遜,利華古遜可能會打風流波,各位到時睇定先作取捨.

波琴--波琴現排15位只多科特布斯及比勒費爾德1分,降班危機當然有,但賽程尚算可以,下仗會對排13位嘅法蘭克福,法蘭克福現階段只求1分即上安全線下季可留甲組,以法蘭克福心態鬥志未必夠主埸波琴立埸咁堅定,之前剛仗法蘭克福被雲達大炒5蛋元氣難復,而自己覺得波琴攻力尚在,要在心態、鬥志、元氣未復嘅法蘭克福身上取得士哥機會好大,深信16-5-09波琴對法蘭克福必然可搶分,主隊坐和望贏必可做到.到23-5-09波琴會作客對科隆,科隆已經係上岸球隊,最後一埸賽事對科隆嚟講已經屬例行公事,當日即埸盤口先係投注指引.

字節所限,就寫住咁多.

今晚英甲附加賽列斯聯主埸對米禾爾,列斯聯正牌英甲搵食波,如有心爭上英冠,一早已經可直接升班,根本吾需要打附加賽,英甲波盤口代表一砌,內地盤口上盤追捧者不斷,而莊家每受一水即調一水,莊家即調盤吾敢慢調作對賭,證明列斯聯今晚決心壓一,熱食單咬好過玩亞洲盤隨時蝕水,一於單w熱食列斯聯!

危Sir嘅賭博心得精華區內盤口精要帖子會在其他地方先張貼一排再回到BLOG刊出,各位要耐心等等.

近期去左寫NBA賽前分析,NBA已經進入高比對占士年代,東岸未來都會係占士騎士獨領風騷,今晨湖人被火箭追回一局成2:2之局,但往後賽事火箭會因姚明骨裂更加削弱實力,湖人應該可穩勝出線.希望最後對決係騎士鬥湖人,咁就絕對精彩,睇現在形勢騎士占士有冠軍相,今季應有機會嚐嚐冠軍指環滋味.

英超侯城虎頭蛇尾,其實現今足球所打嘅就係個錢字,兵源質數參差及後備力量薄弱,如何能在聯賽作耐力消耗戰?老闆自己都搞吾掂要閂水喉,球會想起都幾難.紐卡素季初一早想賣盤,奈何金融風暴下脫手困難,加上紐卡素到現仲衰過之前滙豐跌到落三十幾文之勢,如果降埋班就想搵人要都幾難,其實未來主宰紐卡素定米杜士堡要降班,除左今晚紐卡素主埸對米杜士堡之外,最能主導者必定係阿士東維拉,只要阿士東維拉餘下賽程肯[放],除時影響榜尾大局.今晚紐卡素主埸如果輸波,幾乎肯定可以講話一定降班.

至於侯城剛仗自毀長城主埸輸埋俾史篤城令自己自陷困局,除非今晚紐卡素對米杜士堡和局收埸,否則侯城必被拖入降班旋渦,侯城最後一埸要對曼聯,以侯城現在咁嘅勢頭實在難頂曼聯.

BLOG吾講咁多英超大勢,係鹹友都知危Sir今晚支持紐卡素,紐卡素今晚輸波就聽揸兜,至於從盤口方面去睇,內地盤口上盤支持者眾,今晚紐卡素實牙實齒,如做假波必自滅,球隊形勢和盤口形勢都顯示紐卡素信得過.

今晚重心係紐卡素W.