終於有時間停一停靜一靜續寫這篇[懷舊2].湊巧有時間觀看由馬會贊助香港電台所開拍嘅[香港歷史系列],身為香港人應該要知自己所住地嘅由來及歷史,不論各位是本港出生或是近年移民到此地成為香港居民,入得籍就已經係香港嘅一份子.

電腦科技進步令[香港歷史系列]內嘅舊建築物和人物生動活現在眼前,對加強香港新生代認識舊香港歷史印記嘅深深體會應記一功.還記得第一次接觸電腦特技效果應該是三十年前嘅經典電影星球大戰,在戲院內完全可感受到太空嘅一望無際及戲內所展現嘅先進科技武器,就算現在重看第一集亦沒有落後或過時嘅感覺,星戰嘅星級幕後班底應記一功.戲內黑武帝、各戰機嘅模型更加是當時各模型發燒友必採購之物.

依稀記得70年代當時好興二次大戰嘅士兵實境模型、坦克車模型、各軍用戰機模型及英文民歌,中文歌曲應該是1974年至1975年之後先興起流行.小弟英文水平屬九流之輩,但始終所喜歡就是英文民歌.第一次接觸現場彈奏木結他是在角旺弼街一間賣模型嘅店舖,從前影星藍潔瑛屋企所開嘅街邊大排檔,正正就開在那間模型店舖前面,小弟兒時常到模型店舖觀看那位文質彬彬嘅老闆替模型上色,模型環境佈局及色調認真一流.每當模型工序完成後,老闆必定拿出木結他即彈即唱,小弟對民歌和結他嘅興趣就係在此環境培養出來.

至於對交響樂產生興趣應該是在白姐姐做節目嘅年代,當年小弟已經懂性,每次聽收音機例必扭到香港電台第五台聽交響樂,同一曲交響樂在不同年代及環境之下會有不同味道,感覺係隨自己經歷及思想而變出不同味道,但自己對民歌味道就十年如一日,每次聽民歌都會想起兒時嘅日子.

金錢當然係重要,生活必須要金錢,但當金錢夠自己生活嘅時候,心靈嘅安撫係絕對必須,音樂可以帶來心靈嘅安慰,尤其是自己所喜愛嘅民歌,各BLOG友亨受各物質嘅同時,千萬要安撫自己心靈,心定則明,思路就自然會開通.

下張post又會用較粗俗嘅語氣去討論波盤思維,更加會深入講解現在所謂假波由莊定行作主導,初盤至終盤對比現在至二、三年前嘅演化等等,又係果句,呢兩日有時間先寫,開住張空頭支票先啦!橫掂各位都聽慣阿叔吹水吾擘嘴.靚簫吹一吹,阿嬌流口水,呢兩句係危Sir原創,各位應尊重寫作產權吾好抄.

馬埸雞之友[欄邊王子]同娛樂雞之友[公仔箱揸筒]呢期周時上嚟我間埸度吹水大家緬懷一番,[欄邊王子]每次到來危Sir都問佢攞料兼講狗圈花邊料.狗圈桃木雙劍從前孖公仔一齊搵食,大佬木劍鐘意過澳門輕鬆食德國鹹豬手,有期專放狗料落茶果嶺,真係搵吾少,至於燒黃紙果位細佬桃劍就比較沉實,大佬過江佢有時推無可推都要陪佢過去,但不嫖不賭.呢位桃劍買狗人脈關係吾錯,所以買狗眼光確有一手,可惜練狗功夫就十年如一日,狗王都要走佬,從前桃劍在外地有剩餘物資多數益木劍,所以有期木劍幫狗主所買嘅新狗表現真係吾錯,勝出率頗高,可惜木劍衰鹹濕俾人屈兩鑊,一鑊大圈就一鑊客家,結果搵過海[就手]幫手攪掂,但自此狗房更加淪為[放料狗房]變成一竭不振終日在榜尾陪迴,近日木劍終於搵到接班人,本身同期有三位接班,一位正選就兩位副選,其中一位副選[冧把吐]因街數好似馬撚咁長,仲俾班友用飛機紙追數驚動狗會,加上佢白紋依蚊上身逢人針,自己大佬佢都吾放過,神憎鬼厭之下冇人敢同佢玩埋身波,掃地阿蟬都話要追番三千七,最多吾起釘,通晒天焗交牌,賭博害人吾自制毀前途又一例證.至於另一位副選,今季已經冇過江,可能收晒風狗會今季捧人揸正莊所以呢期扮乖仔博上位升城隍,又睇吓佢得吾得.木劍真正接班人係正選教友,呢位教友真名叫[電路],[電路]打住信教旗號不嫖不賭仲係註冊正牌愛妻號,其實內裡嫖賭飲吹佢瓣瓣啱,前恩師帶佢入星洲教埋佢點先可以煮好一碟星洲炒米,結果因財失義反檯收埸,恩師大叠水跟本吾志在,失誠信最終斷線以後冇米粉煮星洲炒米,損失當然係[電路],諗住搭線過江但自己又賭癮大,上季欠落街數攪到[以狗還息],好彩有位義氣狗主上季尾做安信兄弟幫佢攪掂,但一入[魔門]深以海,果位狗主原來係.....一波未停一波又起,鹹筋一起又玩花車巡遊,呢位[電路]原來同我後生時一樣鐘意玩冇人駕駛車中野戰再上房,結果就咁出事衰鹹豬手,木劍師兄今次名副其實真正搵到接班人,退休都吾洗心卦卦,鹹豬手一門吾會因自己退休而斷血脈,一代神功最終都可在江湖延續,香燈繼後有人,又可入祠堂點天燈分豬肉.

[欄邊王子]係何許人?以前70年代十八歲未夠開始撈影圈,至於[公仔箱揸筒]係晶哥老豆帶佢入行,但開始時吾係撈公仔箱,係在淫龍套陳年舊片[豬計劃]做幕後工作,[欄邊王子]咁啱又係同[公仔箱揸筒]一齊做[豬計劃].原來套[豬計劃]係肥佬洪全程揸咧,至於[無膽龍]....點解班幕後叫佢做[無膽龍]?原來有幾段故,有時間再分枝長篇講[故].

同班友一路講,不離講[威]講[女],講女就盡數七十年代至現在圈中嘅艷星同淫蛙,至終講[威]就不離影圈中誰人真正打得,當然現今首推甄x丹,甄x丹初到香港响老尖某健身會做Gym,當時果間健身會係圈內人常到嘅地方聚腳點,[欄邊王子]當時都在埸,講到當時最堅挺必然係前已故天后果位打仔男友[樣貌似某天王],呢位打仔吾只個樣睇得,而且仲打得,同埸係得甄x丹同佢做到40磅,兩人一身muscle線條真係正到無倫.

講到抽得其中一位就一定係射鵰[舊華曾]位男友[泰哥],呢位真正係[大聖劈卦],十個八個都埋吾到佢身,再數就係已故道長林x英,呢位係圈內公認打爛仔交狠辣之人,李小龍在生時非常欣賞愛錫圈內兩位龍虎武師,其中一位就係林x英,而另一位就係[雙錢師父],點解叫[雙錢]?因為錢姓兩兄弟都跟過佢學嘢,其中[一錢]仲做緊攪笑節目,而呢位[雙錢師父]最後放棄影圈公作而在左敦某一夜埸做經理,相信好多人都知危Sir講邊個.李小龍係第一代陳真,第二代必然係梁x龍,[欄邊王子]同梁x龍係好朋友,以前梁x龍都有學空手道,當時又係圈內公認真係打得之人,[欄邊王子]當時問梁x龍現在圈中誰人夠佢抽,佢二話不說就講[比利],球王[比利]?當然吾係,呢位阿哥有[朵]外號叫[老虎],梁x龍同[比利]大家响館到對拆過幾招,大家識英雄重英雄,心知大家斤兩十足,梁x龍都贊得出口,呢位[比利]絕對吾係惹小.題外話,係人都識詠春葉問,原來詠春當時仲有一位高手,仲係帶住當時未紅嘅李小龍周圍去踢館,李小龍跟佢都學吾少嘢,呢位詠春高手名字中有[純良]二字,各位又估估.諗住盡數埋七十年代至現在圈中嘅艷星同淫蛙,但有啲blog限字節,字數太多就出吾到post,等阿叔得閒再講.

馬就吾夠字數長篇吹水,波就現時[內地]以德甲賀芬咸最多人玩,上盤接貨莊家先調盤,莊家吾敢頂水就上盤一定有偈,現做亞洲盤半/一,各位海外外地網友可以用賀芬咸半/一上盤做今晚重心.

以上分析只供外國網友作參考,香港網友可投注香港馬會足智彩,香港境內居民莫賭外圍!