柔道龍虎榜、綠水英雌、小旋風紋次郎、青春火花、錦繡前程、電光再造人、月光幪面俠、小露寶、神勇飛鷹俠、鐵甲萬能俠、三一萬能俠、巨靈神、陰陽電磁俠、宇宙飛龍、藍寶石王子、怪物小王子、銀河鐵道999、仙巴歷險記、七小福、義犬報恩、飄零燕、Q太郎、叮噹、電子神童、沙漠神童、幪面超人、超人太郎、電腦奇俠、超人歷險記(阿鄉)、鐵金剛、鐵甲人、七星俠、咸蛋超人吉田、雷電俠、伏魔三劍俠、大鐵人、天地雙龍、電光科學人、皇牌突擊隊.以上劇集或卡通,上左有四字頭嘅香港人都應該睇過.
早前看過日本拍攝嘅[大決戰-超人8兄弟],竟然重見童年偶像[團次郎--超人阿鄉]尚在人間,而且高峰圭二、森次浩司、黑部進等在六七十年飾演過超人嘅演員都健在,自己都暗生歡喜,位位飾演過超人嘅演員都陪伴自己長大,自然有份親切感.
先講電腦奇俠,非常佩服日本仔創意,電腦奇俠外形已經型到爆晒燈,半個腦外露而且係透明可見嘅電子零件,當時真係in到震,最搞嘢係電腦奇俠竟然怕[吹簫],一吹簫立即變軟腳蟹,所以一到變身時段我就金精火眼睇到實,睇佢點同支魔笛對抗去變身!
咸蛋超人又係日本仔創意成功嘅典範,將宇宙嘅外星人幻化為拯救地球嘅咸蛋超人,外國嘅超人造型細細粒吾夠氣勢,好難突出破壞力,但日本仔創造嘅咸蛋超人就成層樓咁大,加埋隻怪獸,未用死光都夠晒震撼力,再加超人融合空手道式拳腳同隻怪獸單挑隻抽,打完心口又打背脊,佈景又夠逼真,真係每集都係經典.我至喜愛係超人歷險記中嘅1號戰機,將模型盒打開後用指甲鉗將模型戰機從膠框內剪出,當時最困難係黐水印,水印貼紙係要浸在水中等水印素夠水,待分離底紙先可以取出黐在戰機身上,以前我手震震黐十次貼紙就爛足九次,呢種水貼紙真係好易爛,小弟三十幾年前幾乎每日都買一盒模型,因為每一日包玩殘一件玩具模型!
旺角大大公司四樓長期有副火車站全景模型在玻璃櫃展出,像真度極高,每日放學小弟都會去大大公司睇一睇,當左自己企屋一樣!
下張post會係[懷舊2],會講吓自己第一次接觸民歌,自始就喜歡到現在!又會講吓七十年代嘅生活環境及所見過嘅人和事.
今日更新幾大聯賽資料,又要做另類盤口指數,其實都好辛苦,現在要讀者肯花錢去買一本讀物,必須要瞭解讀者喜好,普通足球體育資訊已經不能滿足大眾,現實去講,多數讀者肯花錢去賣足球讀物,大多內容不離波盤賭博,從客仔心態去睇,讀物周刊或報刊內容不離各聯賽球隊即日重心或短線重心,列明支持數據,水位盤口定位比重等等,其實足球資訊比賽馬資訊易於掌握,因為足球體育已經進入地球村,各網絡會對足球體育資訊作第一時間報導免跟於人後,某些內地網講足球盤口反而比香港更為開放.能夠殺出血路超人於前者非盤口專業預測水位莫屬,賽前生死盤絕對此中尋,吾係亂吹!
今期更新專題會分析車路士新帥帶領之下嘅未來展望,英國波14-2-09早盤,星期六法甲下盤冷門重心及德甲重槌盤,內容非常豐富!各鹹友執完錢可北上響[勝]鼓!
Blog料就講今晚德乙形勢,聖保利歇冬後走晒樣,傷兵、戰意、缺態、位置重疊、輕出、瓣瓣齊,而奧柏侯遜衰在組織力差兼前線把握力薄弱,真係衰鬥衰,但亞洲盤現做[奧柏侯遜]小讓平/半而且有足水,一於博聖保利輸多埸,亞洲盤[奧柏侯遜]讓平/半必選上盤.
驟眼睇FSV法蘭克福近積優秀今埸受讓超旬,但如果有睇開現場或留意開德乙資訊,FSV法蘭克福的確對比格雷特霍夫差一班波,格雷特霍夫主埸真係[搶]住去吾係講笑,一於用格雷特霍夫單W過關.
韋恩前線以歇冬前作對比確實攻力回落多少,近兩仗所見,上半埸一輪衝鋒之後在下半埸各球員普遍步,而科布倫斯今仗係天殘地缺,但亞洲盤去吾到半/一就有鬼味,呢類先可叫係鬼盤!馬會做入球細有1.85倍,可向入球細推敲!
以上分析只供外國網友作參考,香港網友可投注香港馬會足智彩,香港境內居民莫賭外圍!
