今日幾位老友嚟我個埸度吹水,其中娛樂雞之友識左有二十幾年,當年小弟入娛樂圈客吋見識兼食姐仔,佢都有[帶街],雞之友當年同[大咪]拍完監獄風雲成為好友,大家時常出嚟玩,一齊過台灣拍片,一齊去......
雞之友對我講,當年佢帶隻[唐狗],[大咪]帶隻[都拍文],一齊入去東平洲玩,從前東平洲星期六、日先有船往來,如果星期六入去,星期日吾走,就要等多六天先有船走人,兩條友拖住兩隻狗先去[井口士多]打躉食嘢,諗住食完嘢就四圍[哨],當入到[井口士多]見到兩名島上村民正在吹水,兩條友見有[人氣]立即問問兩位阿叔東平洲有乜好去處.兩位村民年齡都已經過六十歲,一位係廟祝,另一位就專在星期六、日賣豆腐做遊客生意,講講吓[大咪]隻[都拍文]向士多出面猛吠,[大咪]好似突然醒覺咁問兩位村民島上有乜地方係[禁忌],佢地話暫時吾好上山頂付近,因為啱啱修好山墳,之前兩位上島修墳工人,在山上做做吓嘢想飲水,但兩個水壺冇晒水,水壺冇漏點解會冇晒水?佢地自己都奇怪,其中一位工人諗住番落山腳攞水,就即刻落山.
另一位工人一路做一路等,粒幾鐘都吾見人,諗諗吓吾對路,因島上渺無人煙怕同行出事,拿拿落山睇睇,點知落到山腰就見到同行响度戇鳩鳩自己原步打圈,當然立即捉住[熬]醒佢,同行一定神成個醒晒,立即攬住老友喊咁口,原來係日光日白鬼掩眼上吾到山.
呢位廟祝村民又講,呢度日頭都好猛,尤其係士多出面嘅井口,死過兩件,一件係在近井口斜路有位小孩日光日白衝左落井,同行小童搵大人去救,結果返魂乏術,但條屍之後.......
各位入東平洲小心井口,吾好行咁近,因為日頭就已經嚟料.
雞之友再爆當年同[大咪哥]過台灣拍戲,從前好多二、三線香港演員多數住[x園]或[麥當x],而條友落機就跟大隊入住[麥當x],結果雞之友初到台灣拍戲吾知行情入住[三角嘜]房間,原來[有料]房間吾係櫃桶放聖經,而係有張黃色嘅[三角嘜]貼在房中窗嘅位置,雞之友吾知頭吾知路,結果當晚就做左驅魔人嘅女主角,[賴]晒嘢!去吾到華西街!雞之友現在响公仔箱做幕後鋪排,下次等小弟爆小小公仔箱幾位姐仔嘅癖好,包保堅料,當中包括有[姣蛇求飯],姣蛇吾食草龍點解去求[飯]呢?係乜[飯]?公仔箱高層[見暈]又係吾係時常使出[萬劍歸宗]嘅無名呢?吾通真係鐘意同男劍手[格劍]先顯雄姿先有生理反應俾人衝動?
我其中一位老友年齡都有六張,從前住上環,佢以前五十年代孩童時期係住[木樓],真係用木做嘅[樓],十七尺樓底,仲係一條樓梯冇轉彎位直上六樓,天面同樓梯雖然係木做底,但鋪上階磚,佢兒時在露台半截身埃住望街境,原來係有少少郁郁吓!當時佢當然吾識驚,但現在諗起都有啲牙煙.自己真係想親身上[木樓]體驗吓,吾知現在香港仲有冇[木樓]呢?
從前上環大把賭檔,當中排九檔甚多,[荷官]個個有[術],做行嘅老雀多數要求倒牌兜亂防[荷官]用格手兩邊留天左右飛,老雀要莊倒牌多數用[縱橫十六底橫四,給四變長四]呢套包洗亂,[荷官]要番砌兩邊切雙耳都有排砌,除非牌已經落[焊],如果單憑手藝記性,用[縱橫十六底橫四,給四變長四]呢套方式倒牌,要求賭五行已經足夠有餘!
舊時代嘅樓大多樓梯較窄,真係官材都抬吾到上樓,如果有人在樓上過世,就要請人在樓下搭棚用埋一宇梯從窗口抬官材上樓接過世者!當中上海街舊樓曾經發生一件抬官材奇事,究竟點奇法?下次阿叔有時間再講鬼故.包[猛]料.會講台灣[原住鬼屋],點趕都吾走!荔枝莊拍劇[鬼夜哭]!香港x沙路鬼屋來龍去脈,點解識[噴煙]!香港開埠以嚟首次用道術捉僵屍係幾時!
上面所講全部真人真事,各位可隨意[轉貼],但吾該加[轉貼]兩字,要尊重原創者!
又講少少波,今晨9-1-09[波圖]對[塞圖巴爾],現在亞洲盤有兩盤,1盤[波圖]讓1球,另1盤係[波圖]讓1球/球半,亞洲盤就不作介紹,因為呢埸上盤能否開出,上半埸應該知分曉,推薦[波圖]半埸勝,馬會有得買!
