大白鯊第一集到現在已經超過三十年,當年旺角凱聲戲院推出杜比環迴立體聲,我睇大白鯊同異形都係幫襯凱聲戲院,當時好噓冚,排隊條龍差吾多要排晒成條西洋菜街,仲要早一日預售,所以當時啲即埸黃牛黨都搵到餐食.記得第一次睇真人除衫就係69年响老廟舊樓架步嘅版間分房,當時幾歲大幫手[派紅頭]同倒水,啲客多數有[醒],本身係家族單位生意,肥水位置當然係益自己人啦,果時俾木版房內嘅呻吟聲吸引,周時响木版門罅偷看,雖然當年年紀小,吾知一女一男做乜咁大動作上山下海兼大聲叫嚷,但記得自己條蠶蟲仔當時都有蠢蠢欲動嘅反應,甚麼[怒劈櫻桃樹]、[倒吊鯉魚嘴],我自細吸收吾少.
果時九龍城同廟街都有[八米里]睇,廟街榕樹頭近公厠有專車入城寨睇[科騷],仲有現在嘅大角咀道碼頭[未填海前]都有專車接送.吾玩陸地可玩海戰,大角咀道碼頭有駁船出大船玩[金絲貓],鐘意賭又有大檔,嫖賭飲吹包羅萬有,而且包冇人捉,你話當時社會幾咁盞鬼!大個少少去香港仔玩[鄧家],真係玩到搖搖欲墜!一張床加一條女基本上了無新意,曾經响不同環境勇戰過而戰績彪炳,咁先叫做不往此生,如果以現時環境諗住揸車打野戰玩車震?褲都未除[細佬]就已經俾香港公安落硬孖葉.
近期好欣賞甄子丹、樊少皇主演嘅[葉問],出招度位同境頭運用恰到好處,當然故事因應票房收入而加入[打日本仔為國爭光],自李小龍打道埸之後,幾乎任何要紅嘅現代武打影星都要同空手道較量過先可以上位,好但白,成龍所謂武打我只當雜耍,每一年代有每一種片種嘅演繹方式同潮流,自從粵語片式微,到李小龍死後嘅所謂武打埸面,真係一蟹不如一蟹,只因當時社會風氣需求同普遍民眾嘅認知能力,現在如果拍部垃圾片諗住呃票房?我諗各網民一定口誅北伐.
七十年代自李小龍死後武打片所展現嘅度招捕位多數用[北字]作形容,撟手互搭停三秒,一則呃時間,二則以[長]為先,練過武嘅人都知道如果以[長]為先加互搭停三秒,根本就吾係武術之道,所以好多時行內人睇片媽媽有聲,根本同真正武術背道而馳.
社會風氣轉變,許冠文式嘅風趣優默被周星馳無哩頭所取代,李小龍嘅實牙實齒被成龍嘅雜耍所取代,周星馳現在攬住條女搞地產根本已經半退休狀態,很難再有動力再創喜戲高峰,在現在喜戲接班人中,自己幾睇好王組藍,我去TVB探老友見過王組藍真人,冇架子之餘仲識控制談話氣氛,只要等一個機會,呢兜友必紅搵真銀,至於成龍嘅雜耍戲路已經見底,加上近年形象就大家心照,以身手及觀眾緣,首推甄子丹,動作片講求真材實料同一點[火],睇甄子丹拍動作片係一種享受,佢將自己心中對武術嘅熱誠同動力融入於度招對拆中,流暢性同英超季初車路士條中埸線一樣,係季初呀老友!雖然[葉問]武術指導打正名號係真正大哥洪金寶,但睇慣睇熟就知道度位對拆吾只係大哥一個人嘅手筆,一句講晒,小弟支持甄子丹,將此片武打帶出[南字]風格,速度感同節奏感同步而流暢.
如果梁潮偉加王家衛合作拍[葉問],珠玉在前,影帝又如何?吾通武打片可用文戲作交代?七十年代套台灣配音戲集[保鏢],就係用文戲作武打交代,正宗[口交]片,用口交代,講多過打,一到武打埸面佢就[咪住],真係要小佢老味!正垃圾片!
講多無謂,小弟好支持詠春拳!
小弟近年最大觀能刺激係在船上睇泰拳對詠春,原來功夫可以去到咁嘅地步!一個字--[堅]!
聖誕後的大勢--[危險]
呢篇post其實一早已經寫定,現在玩波吾只要對球隊有透徹認識,臨開賽前嘅對盤尤其重要,當然如當娛樂費少注就算輸都冇所謂,仲可免傷腦筋添!
英國波有度好,盤口屬世界性,指數出入穩定較易掌握,老牌嘅博彩公司更加係某幾隊英超和英冠波嘅指標,係定盤為走地作接口或真飛先食頭注,一對系數就永冇走雞,加埋亞洲盤非註冊盤口嘅真實飛數流向,睇定嚟食都仲得!
26-12-08聖誕後英國波又開車,熱門球隊有車路士、利物浦、韋根、熱刺,熱刺有進展緩慢跡象,主埸對近況不俗嘅富咸,玩細波穩陣過玩熱刺熱W,韋根近幾仗英超主埸全勝,但作客嘅紐卡素又何嘗吾係近仗起飛呢?紐卡素今仗作客受讓有冷味,坐和望贏應該做到!利物浦今季英超演出尚算穩定,決心當然不用懷疑,但近仗後防甩漏甚多,對有進攻能力嘅保頓如果讓球過多各位就要因應盤口走精面,可向半埸或入球大細埋手.車路士在26號賽期係至穩健嘅球隊,並非係車路士當打,而係西布朗每逢作客強隊例必震騰騰,車仔應該可穩執2球或以上,如亞洲盤只讓2球,各位可向上盤埋手,26號當日車路士的確比利物浦更為穩健!當然英冠仲有兩隊下盤嘅冷門球隊,英國波又點只咁簡單呀?危Sir嘅英國波專區先係重心所在,只供喜歡自己嘅網友執錢參考,謝絕襯家探訪,好嘢必益鹹蟲!至重係鹹得有道理!
